Çempionlar Liqasında mövsümün son püşkatma mərasimi keçirilib.

KONKRET.az-ın məlumatına görə, tədbir UEFA-nın İsveçrənin Nyon şəhərindəki Avropa Futbol Evində təşkil olunub.

Mərasimə qitənin ən güclü 8 komandası qatılıb. Öncə 1/4 final cütləri müəyyənləşib. Püşk “Mançester Siti” və “Bavariya”nı üz-üzə qoyub.

Ardınca qalibləri yarımfinalda üz-üzə gələcək cütlər bəlli olub. Tədbirdə final matçının da püşkü atılıb. İstanbuldakı qarşılaşmanın nominal meydan sahibi müəyyənləşib.

Çempionlar Liqası
1/4 final (11-12 və 18-19 aprel)
1. “Real” (İspaniya) – “Çelsi” (İngiltərə)
2. “Benfika” (Portuqaliya) – “İnter” (İtaliya)
3. “Mançester Siti” (İngiltərə) – “Bavariya” (Almaniya)
4. “Milan” (İtaliya) – “Napoli” (İtaliya)

1/2 final (9-10 və 16-17 may)
4-cü cütün qalibi – 2-ci cütün qalibi
1-ci cütün qalibi – 3-cü cütün qalibi

Final (10 iyun, İstanbul, Türkiyə)
2-ci cütün qalibi – 1-ci cütün qalibi