Cənubi Afrika Respublikası və Botsvanada yeni növ koronavirusun (COVID -19) çoxlu sayda mutasiyaya malik yeni variantının aşkar edildiyi bildirilib.
KONKRET.az xəbər verir ki, bu barədə “News 24” məlumat yayıb.
Cənubi Afrika və Botsvanada 9 nəfərdə B.1.1.529 adlı yeni COVID-19 variantının aşkar edildiyi bildirilib.
Bu virusun Cənubi Afrikadan Honq-Konqa gedən bir şəxsdə aşkarlandığı qeyd olunur.
“Auper variant” olaraq xarakterizə edilən B.1.1.529 variantında 32 mutasiya olduğu bildirilib.
Mütəxəssislərin fikrincə, hazırkı vaksinlərin bu varianta qarşı effektiv olub-olmadığı hələlik məlum deyil.
Bununla belə, az rast gəlindiyinə görə, variantın çox yoluxucu olmayan bir ştam olduğu ehtimal edilir.