Naxçıvan Muxtar Respublikasının Culfa rayonunda yerləşən Darıdağ massivində sursat aşkar edilib.

KONKRET.az xəbər verir ki, bu barədə Fövqəladə Hallar Nazirliyinin (FHN) mətbuat xidməti məlumat yayıb.

Məkumatda deyilir ki, nazirliyin “112” qaynar telefon xəttinə daxil olmuş məlumata əsasən muxtar respublikanın FHN-nin minalardan təmizləmə üzrə pirotexnik qrupu dərhal hadisə yerinə cəlb edilib.

Hüquq-mühafizə orqanı əməkdaşları ilə birgə ərazidə müvafiq təhlükəsizlik tədbirləri görüldükdən sonra hadisə yerinə baxış zamanı aşkar edilmiş sursatın 1 ədəd 76 mm-lik top mərmisi olduğu müəyyən edilib. Sursat pirotexniklər tərəfindən zərərsizləşdirilməsi üçün ərazidən götürülərək kənarlaşdırılıb.

Hadisə yerində və ona yaxın ətraf ərazidə əlavə axtarış zamanı başqa hər hansı təhlükəli və ya şübhəli əşya aşkar edilməyib.

Xatirə SADİQ,

KONKRET.az