İsveçrənin Davos şəhərində Dünya İqtisadi Forumunun (WEF) 53-cü iclası işə başlayıb.
KONKRET.az xəbər verir ki, mərasim WEF-in saytında yayımlanıb.
İclasın açılışında WEF-in təsisçisi Klaus Şvab salamlama nitqi ilə çıxış edib və bir sıra mədəniyyət xadimlərinə “Kristal” mükafatları təqdim olunub.
WEF yanvarın 20-dək davam edəcək. Forumun devizi “Parçalanmış dünyada əməkdaşlıq”dır. Təşkilatçılara görə, bu dəfə Davosa rekord sayda iştirakçı – 2,7 mindən çox insan gələcək. Rusiya nümayəndə heyəti forumda iştirak etmir.