İstanbulun Fatih qəsəbəsindəki mənzildə parçalanmış meyit tapılıb.

KONKRET.az xarici mediaya istinadən xəbər verir ki, polis hadisə ilə bağlı araşdırmağa başlayarkən, şəxsiyyəti məlum olmayan meyit tibbi ekspertiza üçün Ədliyyə Tibb Təşkilatının xəstəxanasına aparılıb.

Ətrafda təhlükəsizlik tədbirləri alındıqdan sonra prokuror araşdırma aparıb.

Hadisəni aydınlaşdırmaq üçün işə başlayan polis ətrafdakı təhlükəsizlik kameralarına baxış keçirib və hadisə şahidlərinin ifadəsinə müraciət edib. Hələlik şəxsiyyəti tanınmayan cəsədin yarılmadan sonra müəyyən edilə biləcəyi öyrənilib.

Məhəllə sakini Kürşat Cebeci “Buraya qonaq gəlmişəm, yeni gəlmişəm. Mən bura gələndə polislər var idi. İddialara görə, bir həftə əvvəl burada öldürülən kişinin meyiti tapılıb. Deyirlər, meyiti parçalayıblar, bilmirəm nə dərəcədə doğrudur. Eşitmişəm ki, qocadır” – deyə, bildirdi.