Odlar Yurdu Universitetinin əsas girişində yerləşdirilən Ulu Öndər Heydər Əliyevin fotosunun rənginin solduğu müşahidə olunub.

KONKRET.az 32gunaz-a istinadən xəbər verir ki, Azərbaycan dövlətçiliyinin memarı və qurucusu olan ümummilli liderimiz  Heydər Əliyevin portretinin bu vəziyyətdə qalması təhsil ocağının ictimai simasına yaraşmadığı kimi, ali məktəbin ümumi görüntüsünə də kölgə salır.

Təhsil müəssisəsinin binasında yerləşdirilən lövhədə “Təhsil millətin gələcəyidir” şüarı yer alsa da, görünən mənzərə bu şüarla ziddiyyət təşkil edir.

Qeyd edək ki, Odlar Yurdu Universitetinin rektoru sabiq deputat Əhməd Vəliyevdir. Onun oğlu, hazırkı deputat Samir Vəliyev universitetin İdarəetmə Şurasının sədridir. Digər oğlu Münir Vəliyev isə ali təhsil ocağında I prorektor vəzifəsini icra edir.