Dövlət İmtahan Mərkəzi (DİM) 9-cu və 10,11,18,19,24,25 iyun və 2,3,10 iyulda keçirilən 11-ci sinif üzrə buraxılış imtahanlarının nəticələrini açıqlayıb.

KONKRET.az xəbər verir ki, məlumatlar DİM saytında yerləşdirilib. Qeyd edək ki, 7727 nömrəsinə kod nömrəsini atmaqla balı öyrənmək mümkündür.

Dövlət İmtahan Mərkəzindən o da bildirilib ki, bu imtahanlarda iştirakı nəzərdə tutulan 20 034 nəfərdən 2 173 nəfər imtahana gəlməyib, 5 nəfər isə tələb olunan qaydaları pozduğu üçün imtahandan xaric olunub.

İmtahan iştirakçıları arasında 2 nəfər – Xırdalan şəhəri, 2 saylı tam orta məktəbin cari il məzunu və Lənkəran şəhəri, 10 saylı tam orta məktəbin 2019-cu il məzunu maksimal olan 300 bal toplayıb. 23 nəfər isə 297.1 bal toplayıb.