Dini ibadət yerlərinə təyin edilmiş şəxslərin adları açıqlandı – SİYAHIbackend

Dini ibadət yerlərinə təyin edilmiş şəxslərin adları açıqlandı - SİYAHI

Dini Qurumlarla İş üzrə Dövlət Komitəsi tərəfindən 24 may 2022-ci il tarixində “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na uyğun olaraq, 39 vakant vəzifənin tutulması üçün elan edilən müsahibədə 251 nəfər namizəd arasında müvəffəqiyyət qazanan 118 nəfərdən ən yüksək bal toplayaraq təyinat alan din xadimləri ilə görüş keçirilib.

Komitədən KONKRET.az-a verilən məlumata görə, bu gün baş tutan görüşdə çıxış edən Dövlət Komitəsinin sədri Mübariz Qurbanlı ölkədəki dini durumdan, dövlət-din münasibətlərinin yüksək səviyyəsindən, dini dəyərlərə və din xadimlərinə qayğıdan bəhs edib.

Dindən siyasi məqsədlər üçün istifadənin yolverilməzliyi və buna qarşı mübarizədə birliyin vacibliyi barədə də danışan Dövlət Komitəsinin sədri qeyd edib ki, din insanların şüuruna və cəmiyyətə təsir göstərmək üçün güclü vasitədir. Onun cəmiyyət, ümumilikdə bəşəriyyət üçün əhəmiyyətini məkrli qüvvələr də yaxşı başa düşür və bəzən bundan çirkin əməlləri üçün istifadə edirlər. Nəticədə insanları birliyə, vəhdətə çağıran dinlər mahiyyətindən uzaqlaşdırılaraq kimlərinsə əlində radikal, xurafat, antimilli formaya salınır. Bu baxımdan mənəvi dəyərlərimizin tərkib hissəsi olan dindən dövlətçiliyimizə qarşı istifadənin qarşısının alınmasında din xadimlərinin, dini icma sədrlərinin aktivliyi xüsusi önəm daşıyır, o cümlədən, dinlərarası dialoqun və əməkdaşlığın reallaşmasında, Vətənizimə bağlılıq hissinin gücləndirilməsində, milli-mənəvi, tolerant dəyərlərin təbliğində din xadimlərinin üzərinə daha böyük vəzifə və məsuliyyət düşür. Çünki din xadimləri təkcə özlərinin deyil, eyni zamanda, onların arxasınca gedən yüzlərlə, minlərlə möminin mövqeyinə, eləcə də dini dünyagörüşünün formalaşmasına görə ən azı mənəvi məsuliyyət daşıyırlar.

Din xadimlərinə gələcək fəaliyyətlərində uğurlar arzulayan Komitə sədri aparılan bu işlərin Qafqaz Müsəlmanları İdarəsi ilə birlikdə həyata keçirildiyini və İdarənin fətvalarının yerinə yetirilməsinin zəruriliyini onların diqqətinə çatdırıb.

Dövlət Komitəsi sədrinin birinci müavini Səyyad Salahlı, sədr müavinləri Sahib Nağıyev və Gündüz İsmayılov din xadimlərinə tövsiyələrini verərək üzərlərinə düşən borcu layiqincə yerinə yetirməli olduqlarını qeyd edib, onlara həvalə edilən vəzifənin uğurla həyata keçirəcəklərinə ümidvar olduqlarını vurğulayıblar.

Görüşdə din xadimlərinin fikirləri və təklifləri dinlənilib, çıxışçılar dövlət tərəfindən dinə və din xadimlərinə göstərilən diqqəti yüksək dəyərləndiriblər.

İslam dininə aid ibadət yerlərinə (məscidlər) din xadimlərinin təyin edilməsi ilə bağlı müsahibədə uğur qazanaraq təyinat alan din xadimlərinin siyahısını təqdim edirik:

İslam dininə aid ibadət yerlərinə (məscidlər) təyin edilmiş şəxslərin siyahısı

Təyin olunacaq namizəd Təyin olunduğu məscid Vəzifəsi
1. Ağamirzəzadə Mirzəli Əfrahim oğlu Səbail rayonu, “Həzrət Məhəmməd” məscidi İmam
2. Səmədov Vüqar Həsən oğlu Yasamal rayonu, “İlahiyyat” məscidi İmam
3. Əliyev Şahəli Gülağa oğlu Şirvan şəhəri, “Həzrət Əbülfəz” məscidi İmam
4. Muxtarzadə Tural Firudin oğlu Zaqatala rayonu, Çobankol kənd məscidi İmam müavini
5. Xəlilov Xəzər Məhəmmədiyə oğlu Qax şəhəri, “Mərkəzi Cümə” məscidi İmam
6. Əliyev Taleh Elman oğlu Lənkəran rayonu, Lüvəsər kənd məscidi İmam müavini
7. Bəhrəmov Elman Qəribəli oğlu Lənkəran rayonu, İstisu qəsəbə məscidi İmam müavini
8. Əsədli Bəhmən Aydın oğlu Biləsuvar rayonu, İsmətli kənd məscidi İmam müavini
9. Hüseynov Rayic İlyas oğlu Cəlilabad şəhəri, “Cümə” məscidi İmam müavini
10. Hacıyev Vahid Zəkəriyyə oğlu Xaçmaz rayonu, Xudat kənd məscidi İmam müavini
11. Eyvazlı Eyvaz Babək oğlu Qobustan şəhəri, “Cümə” məscidi İmam müavini
12. Ələddinov Murtaza Müfti oğlu Quba rayonu, Ağbil kənd məscidi İmam müavini
13. Kərimov Vüqar Əli oğlu Ağcabədi rayonu, Avşar kənd məscidi İmam müavini
14. Mustafayev Tural Sahib oğlu Oğuz rayonu, Kərimli kənd məscidi İmam
15. Müzəffərov Niyaməddin Əfləddin oğlu Siyəzən şəhəri, “Cümə” məscidi İmam
16. Xudaverdili İmran Məmməd oğlu Siyəzən şəhəri, “Cümə” məscidi İmam
17. Cəfərov Cəfər Qəfər oğlu Neftçala şəhəri, “Sahib-əz-Zaman” məscidi İmam
18. Babayev Ramazan Müfəlif oğlu Quba şəhəri, “Ağməscid” məscidi İmam
19. Məmmədzadə Allahverən Davud oğlu Suraxanı rayonu, Hövsan qəsəbəsi, “Höccət ibn Həsən” məscidi İmam
20. Əsimov Nurlan Daşpolad oğlu Şirvan şəhəri “Cümə” məscidi İmam
21. Əlizadə Hüseyn Talıb oğlu Şirvan şəhər məscidi İmam müavini
22. Dəmirzadə Mehrab Fəxrəddin oğlu Suraxanı rayonu, Bülbülə qəsəbə məscidi İmam müavini
23. Rəcəbov Elvin Eynulla oğlu Yasamal rayonu, “Xanım Zəhra” məscidi İmam müavini
24. Əliyev Tural Nüsrəddin oğlu Zaqatala rayonu, Lahıc kənd məscidi İmam müavini
25. Balayev Röya Cəlil oğlu İsmayıllı rayonu, “Məhəmmədiyyə” məscidi İmam
26. Əlixanov Sərxan Məhəmməd oğlu Zaqatala rayonu, Faldarlı kənd məscidi İmam müavini
27. Nooyev Bəşir Məhəmməd oğlu Balakən rayonu, Şərif kənd məscidi İmam müavini
28. Nürəddinov Səbuhi Eyyub oğlu Xaçmaz rayonu, Qımılqışlaq kənd məscidi İmam müavini
29. Mirzəliyev Vüsal Rəşid oğlu İsmayıllı rayonu, Mican kənd məscidi İmam müavini
30. Eyvazov Taleh Gəray oğlu Yevlax rayonu, “Cümə” məscidi İmam müavini
31. Nuriyev Tofiq Dədəbala oğlu Şamaxı rayonu, Sabir qəsəbə məscidi İmam müavini
32. Məhərrəmov Məzahir Saqi oğlu Yasamal rayonu, “İlahiyyat” məscidi İmam müavini
33. Mehdiyev Ruslan Rəsul oğlu Binəqədi rayonu, Biləcəri qəsəbəsi 1 məhəllə məscidi İmam müavini
34. Süleymanov Gündüz Sayad oğlu Suraxanı rayonu, Qaraçuxur qəsəbə məscidi İmam
35. Cəfərov Əyanat Mamed oğlu Qaradağ rayonu, Müşfiqabad qəsəbə məscidi İmam
36. Bağırov Nazim Heydər oğlu Abşeron rayonu, Novxanı qəsəbəsi “Həmzə” məscidi İmam

Bir cavab yazın

Sizin e-poçt ünvanınız dərc edilməyəcəkdir.

*

*

*