“Azərbaycanda maşınlardan küçəyə zibil atan şəxslərə qarşı cərimələr sərtləşdirilib. İnzibati Xətalar Məcəlləsinə əsasən, belə hallara yol verən fiziki şəxslər 200 manat məbləğində cərimələnəcək”.
Bu fikirləri hüquqşünas Tağı Hüseynov KONKRET.az-a açıqlamasında səsləndirib.
“Qanunvericiliyə görə, bu qaydanı pozan vəzifəli şəxslər üçün cərimə 1000 manat, hüquqi şəxslər üçün isə 4000 manat təşkil edir. Məqsəd ətraf mühitin mühafizəsi və ictimai yerlərin təmiz saxlanılmasıdır”.
Hüquqşünas qeyd edib ki, bu cür inzibati tədbirlər ictimai davranışa təsir göstərmək və ətraf mühitə hörməti formalaşdırmaq üçün vacibdir.
Aynurə İsmayıl
KONKRET.az