Türkiyə Prezidenti Rəcəb Tayyib Ərdoğanın sədrliyi ilə Milli Təhlükəsizlik Şurasının iclası baş tutub.

KONKRET.az xəbər verir ki, Beştəpədə baş tutan iclas 3 saat davam edib.

İclasdan sonra MTŞ-nin bəyanatı yayımlanıb.

Bəyanatda deyilir:

Türkiyənin iqtisadi hədəfləri və bu yöndə daxili-xarici təhdidlər dəyərləndirildi;

Ermənistanın regionda yaranmış fürsətləri dəyərləndirməsi, atəşkəsə tam riayət etməsi və əməkdaşlığa önəm verməsi böyük əhəmiyyət kəsb edir;

Liviyada azad və ədalətli seçkilərin keçirilməsi üçün təktərəfli addımlardan uzaq durmaq gərəkdir.

Biz həmçinin, şimaldakı qonşularımız (Ukrayna və Rusiya) arasında mübahisələrin sülh yolu ilə, beynəlxalq hüquq normaları və ölkələrin ərazi bütövlüyünə hörmət çərçivəsində həllinin tərəfdarıyıq.