“İsveçdə Quranın yandırılması heç bir insani əsasa söykənə bilməz”.

KONKRET.az xəbər verir ki, Türkiyə Prezidenti Rəcəb Tayyib Ərdoğan deyib.

O qeyd edib ki, nifrət cinayətinin polisin himayəsi altında törədilməsi çox ağırdır.

Ərdoğan deyib ki, İsveç NATO-ya daxil ola bilməsi üçün islamafobiya və terrorizmin təbliğatına icazə verməməlidir və Türkiyə qarşısında üzərinə götürən bütün digər öhdəlikləri yerinə yetirməlidir.

Xatırladaq ki, iyunun 28-də Stokholmun mərkəzində yerləşən Medborjarplatsen meydanındakı məscidin yaxınlığında 37 yaşlı Salvan Momika adlı iraqlı mühacir aksiya keçirib. O, kitabın səhifələrini qoparıb, onlarla ayaqqabılarını silib və daha sonra Quranı yandırıb. İsveç hakimiyyəti bu cür hərəkətlərin qanuni olduğunu bildirib, ancaq aksiyanın yersiz olduğunu vurğulayıb.

Aksiyadan dərhal sonra Salvan Momikaya qarşı dini ədavətin qızışdırılması və yanğın qadağasının pozulması ilə bağlı protokol tərtib edilib.