Erməni jurnalist və bloger Karen Şahinyan Rusiyada axtarışa verilib. 

KONKRET.az xəbər verir ki, onun adı Rusiya Daxili İşlər Nazirliyinin axtarışda olan şəxslərin məlumat bazasına daxil edilib.

Şahinyan özü “Mediazona”ya bildirib ki, ona qarşı hansı maddə ilə cinayət işi qaldırıldığı barədə məlumatlı deyil.

Karen Şahinyana qarşı cinayət işinin başlanması faktı iyulun 14-də məlum olub. “Rosfinmonitorinq” onu terrorçular və ekstremistlər siyahısına əlavə edib.

Qeyd edək ki, Şahinyan Rusiyada yaşayan LGBT fərdlərindən bəhs edən “YouTube” kanalını idarə edir.