Erməni separatçılarının yanacaq böhranı ilə bağlı yalanları ifşa olunub.

KONKRET.az xəbər verir ki, bununla bağlı haqqin.az dekabrın 15-də Xankəndidə çəkilmiş video əldə edib.

Bir neçə gündür ki, separatçılar Qarabağda yanacağın olmamasından, “humanitar fəlakət”dən “fəryad edirlər”.

Bu video ermənilərin iddialarının əksinə olaraq Xankəndidə “yanacaq böhranı”nın olmadığını açıq şəkildə nümayiş etdirir. Göstərilən istiqamətdə avtomobillər adi qaydada hərəkətə davam edir.

Ermənistan həmişə olduğu kimi, özünü beynəlxalq ictimaiyyətə hüquqları pozulan qurban kimi təqdim etməyə, öz qanunsuzluğunu gizlətmək üçün regionda süni böhran yaratmağa çalışır.

Həmin videonu təqdim edirik:

Xuraman Etibarlı,

KONKRET.az