“Rusiya Qırmızı Xaç Komitəsinin göndəriyi ərzaq Ağdam-Xankəndi yolu ilə Xankəndiyə çatdırılacaq”.

KONKRET.az xəbər verir ki, bunu Azərbaycan Qızıl Aypara Cəmiyyətinin vitse-prezidenti Rövşən Əliyev mətbuata açıqlamasında deyib.

Azərbaycan Qızıl Aypara Cəmiyyətinin vitse-prezidentinin sözlərinə görə, Rusiya hökumətinin təşəbüsü ilə ərzaq yüklərini gətirən işçi qrup yorğun olduğundan dincəlmək üçün bir qədər Bərdə şəhərində dincəlirlər və bu səbəbdən ərzaqların Xankəndiyə çatdırılması gecikir.

“Rusiya Qırmızı Xaç Komitəsinin göndərdiyi ərzaq yükü Bərdəyə çatıb. Yüklər Ağdam-Xənkəndi yolu ilə Xənkəndidə yaşayan erməniəsilli sakinlərə çatdırılacaq”, – o bildirib.

Qeyd edək ki, Rusiya hökumətinin təşəbbüsü ilə Azərbaycan Qızıl Aypara Cəmiyyəti və Rusiya Qırmızı Xaç Komitəsinin birgə əməkdaşlıq memorandumuna əsasən, Rusiya tərəfindən Azərbaycanın Qarabağ iqtisadi rayonunda yaşayan erməni sakinlərinin ərzağa olan ehtiyaclarının qarşılanması məqsədi ilə, Rusiya Qırmızı Xaç Komitəsi tərəfindən ərzaq və qeyri-ərzaq məhsulları ilə, ümumilikdə 1 TIR ərzaq yükü göndərilib.