Dünən fitnes məşqçisi Kamil Zeynallının polislərin gözü qarşısında dava videosu yayılıb. Videoda Kamilin yolda avtomobilindən düşərək, bir nəfərə yumruq zərbələri endirdiyi anlar əks olunub.
KONKRET.az xəbər verir ki, K.Zeynallının müğənni həyat yoldaşı Gülay Zeynallı məsələ ilə bağlı “Xəzər” televiziyasında yayımlanan “5/5”də axşam şousunda açıqlama verib:
“Yolda gedəndə Kamilin sözü çəp gəlib. Amma indi hər şey qaydasındadır”.
Aparıcı Zaur Kamalın “Siz evinizdə üzərlik yandırın” sözlərinə Gülay Zeynalova belə cavab verib:
“Bizim evdə hər gün tonqal qalanır. Üzərlik yandırmağı çatdırmırıq. Əsas odur ki, nəticə baxımından salamatlıqdır”.