Futbol üzrə Türkiyə Super Liqasında 27-ci tura yekun vurulub.

KONKRET.az  xəbər verir ki, turun son matçında “Fənərbaxça” klubu səfərdə “Trabzonspor”un qonağı olub. Gərgin idman mübarizəsi şəraitində keçən görüş İstanbul təmsilçisinin 1:0 hesablı qələbəsi ilə başa çatıb.

Bu qələbə sayəsində xallarının sayını 54-ə yüksəldən “Fənərbaxça” turnir cədvəlinin 3-cü pilləsində qərarlaşıb, “Trabzonspor” isə 48 xalla 4-cü sıradadır.

Qeyd edək ki, turnir cədvəlinə 57 xalla “Qalatasaray” liderlik edir, “Beşiktaş” isə 54 xalla 2-cidir.