KONKRET.az-ın Mərkəzi Asiya ölkələri üzrə bürosu xəbər verir ki, 1 Fevral 2020-dən etibarən Özbəkistanda büdcə təşkilatlarının işçilərinin maaşları, pensiyalar, təqaüdlər, müavinətlər, aztəminatlı ailələrə maddi yardım 1.07 dəfə artırılacaq.

Dövlət başçısının 1 fevral 2020-ci il tarixdən Özbəkistan ərazisində qüvvəyə minəcəyi fərmana əsasən:

– minimum əmək haqqı ayda 679.330 som (71.4 dollar);

– Pensiyanın hesablanmasının əsas məbləği ayda 238 610 so’m (25 dollar);

– minimum yaş pensiyası – ayda 466 680 som (49 dollar);

– əlillərə verilən müavinət – ayda 466 680 so’m (49 dollar);

– zəruri iş təcrübəsi olmayan yaşlı və əlil vətəndaşlara verilən müavinətin minimum məbləği ayda 286.390 somdur.