Finlandiyada Rusiya ilə sərhəddə müvəqqəti hasarların tikintisini sürətləndirərək bu işə hərbçiləri də cəlb edib.

KONKRET.az bu barədə Report-a istinadən xəbər verir.

Qeyd edilir ki, silahlı qüvvələr sərhədçilərə tikinti işində yardım edir.

Vartius sərhəd-keçid məntəqəsinin rəisi, kapitan Couko Kinnunen bildirib şlaqbaumların bilavasitə yaxınlığında mühafizə strukturları, yəni dövlət sərhədində maneələr tikilir. Bu, sərhəd-keçid məntəqəsinin fəaliyyətini təmin etmək üçündür.

Bundan əvvəl Finlandiya Rusiya ilə sərhəddə 4 keçid məntəqəsini bağlamaq qərarına gəlib. Bu, sığınacaq istəyən qaçqınların çoxluğu ilə izah edilir.