Uzun müddət dünya futboluna liderlik edənlər yaşlanaraq karyeralarının sonuna çatıblar. İndi onların yerini daha perspektivli gənclər tutur. Ötən mövsümün yekunlarına görə İspaniya millisinin və “Barselona” komandasının futbolçusu Lamin Yamal dünyanın ən gənc futbolçusu seçilib. Futbol ulduzu Lionel Messi də Yamalı özünün davamçısı hesab edir.

KONKRET.az xəbər verir ki, argentinalı super ulduz “Barselona”nın digər futbolçusu Pau Kubarsin adını ikinci çəkib. Messinin tərtib etdiyi siyahını “Mançester Yunayted”in futbolçusu Alejandro Qarnaço tamamlayır. Xorvatiya yığmasının və “Real”ın yarımmüdafiəçisi Luka Modriç də Yamalı dünyanın ən yaxşısı hesab edir. Amma xorvatiyalı  türkiyəli gənc ulduz  Arda Güləri də yaddan çıxartmayıb. Modriçə görə “Real”da eyni mövqedəki tərəfdaşı Gülər Yamaldan sonra ikincidir. Fransa yığmasının və “Real”ın keçmiş hücumçusu  Kərim Benzema da Arda Gülərin adını ikinci çəkib. Benzema da Yamalı dünyanın ən yaxşı gənc futbolçusu hesab edir. Onun fikirincə Arda ikinci, Qarnaço üçüncüdür.

Vəli Həsənoğlu,

KONKRET.az