Gürcüstanın Oni bələdiyyəsində Şavi kurort zonasının yaxınlığında baş vermiş torpaq sürüşməsi nəticəsində ölənlərin sayı 15 nəfərə çatıb.

KONKRET.az xəbər verir ki, məlumatı Gürcüstanın Fövqəladə Halların İdarəetməsi Xidməti yayıb.

Bildirilib ki, həlak olanlardan dördünün meyiti bu gün tapılıb.

Xatırladaq ki, təbii fəlakətlə əlaqədar Gürcüstanda avqustun 7-si matəm günü elan edilib.

***

14:11

Gürcüstanın Oni bələdiyyəsində Şavi kurort zonasının yaxınlığında baş vermiş torpaq uçqunu nəticəsində həlak olanlardan daha birinin meyiti taplıb.

KONKRET.az xəbər verir ki, bu barədə Daxili İşlər Nazirliyi məlumat yayıb. Bununla da təbii fəlakət nəticəsində ölənlərin sayı 12 nəfərə çatıb. Azı 25 nəfərin axtarışlarının isə davam etdirildiyi bildirilir.

 

Qeyd edək ki, bu gün səhər saatlarından etibarən hərbçilər də axtarışlara qoşulublar. Ərazidə ümumilikdə təxminən 400 xilasedicinin fəaliyyət göstərildiyi bildirilib.