Gürcüstanın baş naziri Saakaşvilinin vətəninə mümkün qayıdışından danışıb.

KONKRET.az xəbər verir ki, bu barədə gürcü mediası xəbər tirajlayıb.

Baş nazir İrakli Qaribaşvili Mixeil Saakaşvili haqqında bunları deyib: “Gəlmək istəyirsə, gəlsin. 8-9 il keçdi, niyə gələ bilmir, nə düşünürsünüz? Çünki o, dovşan kimi qorxaq bir insandır”.

Qaribaşvilinin qeyd etdiyi kimi, Saakaşvilinin hər hansı bir “axmaq təxribatı” yalnız gülüş doğurur: “Saakaşvilinin gəlməsini çox istəyirəm, çox əylənəcəyik. Mən ona çox gözəl bir qalstuk kolleksiyası hazırlayacağımı və həbsxanaya, təmir edilmiş bir həbsxanaya göndərəcəyimə söz vermişdim. Saakaşvilinin taleyi budur”, – deyə Qaribaşvili bildirib.

Natiq Səlim,

KONKRET.az