Qəzza zolağında İsraillə HƏMAS qruplaşması arasında təxminən beş aya yaxın davam edən müharibədə 9 min qadın həlak olub.

KONKRET.az xəbər verir ki, bu barədə BMT-Qadınlar təşkilatı məlumat yayıb.

Qeyd olunur ki, 2024-cü il martın 1-nə Qəzza zolağında 9 minə yaxın qadın ölüb.

Təşkilat bu rəqəmin daha yüksək olduğunu irəli sürür, çünki mövcud məlumatlara görə, dağılmış binaların dağıntıları altında daha çox qadın ölüb.

“Hər gün 37-yə yaxın ana ölür, ailələri dağılır, uşaqları müdafiəsiz qalır”, – məlumatda deyilir.

Təşkilatın proqnozlarına görə, müharibənin hazırkı tempi qorunmaq şərti ilə hər gün orta hesabla 63 qadın Qəzzada gedən döyüşlərdən dünyasını dəyişəcək.