Türkiyə Silahlı Qüvvələri Quru Qoşunlarının komandanı Selçuk Bayraktaroğlu və qardaş ölkədə səfərdə olan Azərbaycan müdafiə nazirinin müavini, Quru Qoşunları komandanı general-polkovnik Hikmət Mirzəyev Türkiyə Silahlı Qüvvələrinin 6-cı Korpus komandanlığı və Birləşmiş Xüsusi Təyinatlı Əməliyyat Qrupunun ölkənin cənubundakı Kilis vilayətində yerləşdiyi əraziyə baş çəkiblər.
KONKRET.az xəbər verir ki, Azərbaycan nümayəndə heyəti Türkiyə ordusunun Suriya ilə sərhəddəki postlarından birində də olub.
S.Bayraktaroğlu Azərbaycan Silahlı Qüvvələrinin nümayəndələrinə Türkiyə ordusunun istifadə etdiyi silah və sistemlər barədə məlumat verib, Türkiyə Silahlı Qüvvələrinin təcrübəsindən danışıb.
Türkiyə və Azərbaycan Quru Qoşunları komandanlıqları arasında əməkdaşlığın və koordinasiyanın dərinləşdirilməsi yolları ətrafında fikir mübadiləsi aparılıb.
Kara Kuvvetleri Komutanı Orgeneral Selçuk Bayraktaroğlu, resmî davetlisi olarak Türkiye’de bulunan Azerbaycan Savunma Bakan Yardımcısı ve Kara Kuvvetleri Komutanı Korgeneral Hikmet Mirzeyev ve beraberindeki heyetle 24 Ocak 2025 tarihinde, Kilis Çıldıroba’daki 6’ncı Kolordu ve… pic.twitter.com/x6BcigZ0q4
— T.C. Millî Savunma Bakanlığı (@tcsavunma) January 25, 2025
KONKRET.az