İlon Mask, ABŞ-ın iranlılara təklif etdiyi internet xidmətlərinin əhatə dairəsini genişləndirməyə icazə verən ümumi lisenziya verdikdən sonra bu ölkədə Starlink peyk internet sistemini işə salıb.

KONKRET.az xəbər  verir ki, bu, etiraz nümayişlərinin davam etdiyi İranda ABŞ-ın iranlıların internetə çıxışını asanlaşdırmaq üçün atdığı addımdan sonra atılıb.

Mövzu ilə bağlı ABŞ dövlət katibi Antoni Blinkenin Twitter-dəki paylaşımına cavab verən Mask, “Starlink-i aktivləşdiririk” deyib. Xəzinə Nazirliyindən verilən açıqlamada, sözügedən ümumi lisenziyanın İranda internet azadlığına dəstəyi artırmaq məqsədi ilə verildiyi bildirilib.

Mahsa Eminin “hicab qaydalarına əməl etmədiyi” səbəbiylə saxlanıldıqdan sonra İranda vəfat etməsi ilə başlayan nümayişlərdən sonra hökumət internetə girişi məhdudlaşdırıb.  ABŞ-ın “çadra qaydalarına əməl etmədiyi” səbəbiylə “müdafiəçilərə dəstək” məqsədilə İran xalqının sərbəst məlumat axını və faktlara əsaslanan məlumatlara çıxışı üçün hərəkətə keçdiyi qeyd edilib.

Starlink kosmosa əsaslanan sistemdir ki, SpaceX uzun illərdir dünyanın təmin olunmayan yerlərində internetə çıxışı asanlaşdırmaq üçün üzərində işləyir. Elon Mask tərəfindən qurulan SpaceX, Starlink peykləri ilə yer orbitində 12 min peykdən ibarət şəbəkə qurmağı planlaşdırır. Layihənin 2027-ci ildə başa çatdırılması nəzərdə tutulur.