İndoneziyada noyabrın 21-i baş verən zəlzələ nəticəsində həlak olanların sayı artaraq 252-yə çatıb.

KONKRET.az “Reuters” agentliyinə istinadən xəbər verir ki, 31 nəfər hələ də itkin düşmüş hesab olunur.

Bununla yanaşı, daha 377 nəfər müxtəlif xəsarətlər alıb.

Təbii fəlakət səbəbindən ev, məktəb və xəstəxana da daxil olmaqla 700-dən çox binaya zərər dəyib.

Qeyd edək ki, daha əvvəl açıqlanan məlumatda 162 nəfərin həlak olduğu bildirilirdi.