İran son maliyyə ilində (21 mart 2022-ci ildən 20 mart 2023-cü ilə qədər) 4,2 milyard ABŞ dolları birbaşa xarici investisiya cəlb edib ki, onun da 2/3 hissəsi Rusiyanın payına düşüb.
KONKRET.az bu barədə xarici mətbuata istinadən xəbər verir.
Məlumata görə, hesabat dövründə Rusiya İrana 2,8 milyard ABŞ dolları investisiya qoyub. Bu məbləğ dağ-mədən sektorundakı, sənaye və nəqliyyat sferalarındakı layihələrin maliyyələşdirilməsinə yönəldilib.