İranda 12 böyük bənddə suyun səviyyəsi kritik həddə 10 faizdən aşağı enib. 

KONKRET.az xəbər verir ki, bu barədə İran Su Ehtiyatları İdarəetmə Şirkəti məlumat yayıb.

Rəsmi məlumata görə, ölkənin müxtəlif bölgələrində yerləşən bəzi bəndlərdə suyun səviyyəsi 0-8 faiz arasında dəyişir.

• Rəzəvi Xorasan əyaləti: Torok bəndində 6 faiz, Dosti bəndində 5 faiz
• Gülüstan vilayəti: Vuşmgir bəndi – 0 faiz
• Mazandaran vilayəti: Lar bəndi – 5 faiz
• Gilan vilayəti: Sefidrud bəndi – 4 faiz
• Hörmüzqan əyaləti: Şamil bəndi – 0 faiz, İstiqlal bəndi – 3 faiz
• Fars vilayəti: Rudbal bəndi – 0 faiz
• Kerman əyaləti: Nesa bəndi – 8 faiz, Tenguiyeh – 7 faiz
• Mərkəz əyaləti: Ponzdeh Xurdad bəndi – 8 faiz, Save – 7 faiz

İran prezidenti Məsud Pezeşkian iyulun 31-də çıxışında ölkənin ciddi su böhranı ilə üz-üzə olduğunu vurğulayıb:

“Su böhranı bu gün cəmiyyətin ən ciddi problemlərindən biridir. Bütün göstəricilər su ehtiyatlarının azalmasını təsdiqləyir və biz sürətlə quraqlığa doğru gedirik”, – dövlət başçısı bildirib.

Mütəxəssislər hesab edir ki, davamlı istilər və yağışların azalması yaxın aylarda ölkədə vəziyyəti daha da gərginləşdirə bilər.

Aynurə İsmayıl

KONKRET.az