“ABŞ-ın Türkiyəyə qarşı birtərəfli sanksiyalarını şiddətlə qınayırıq”.
KONKRET.az xəbər verir ki, bu barədə İran xarici işlər naziri Məhəmməd Cavad Zərif bildirib.
“ABŞ-ın sanksiyalara aludəçiliyi və beynəlxalq hüquqa hörmətsizlik yenidən tam şəkildə nümayiş olunur. ABŞ-ın Türkiyəyə qarşı son sanksiyalarını şiddətlə qınayırıq. Türkiyə xalqı və hökuməti ilə birlikdəyik”,- deyə Zərif tvitter hesabında qeyd edib.
Qeyd edək ki, Cavad zərifdən əvvəl Rusiya xarici işlər naziri Sergey Lavrov da sanksiya qərarına reaksiya verərək, “ABŞ-ın Türkiyəyə tətbiq etdiyi sanksiyalar beynəlxalq hüquqa təkəbbürlü yanaşmanın bir təzahürüdür” deyib.
Xatırladaq ki, Türkiyənin Rusiyadan gətirdiyi “S-400” səbəbilə uzun müddətdir gündəmdə olan sanksiyalar dekabrın 14-də ABŞ tərəfindən rəsmi olaraq açıqlanıb. ABŞ-ın düşmənlərinə qarşı mübarizə (CAATSA) qanunu çərçivəsində sanksiyalar adı altında Türkiyənin Müdafiə Sənayesi Rəhbərliyi, Müdafiə Sənayesi Komitəsinin rəhbəri İsmayıl Dəmir və qurumun üç əməkdaşı sanksiya siyahısına salınıb.
Əgər Rusiya, Türkiyə, İran və Çin bir araya gələrsə Amerika həqiqətən “Titanik” gəmisi batacaq! Artıq bunun ilkin adımlarını gördük Türkiyə S-400 almaqla açıq aşkar Amerikaya dirsək göstərdi. Amerkadan dünyanın canı qurtarmalıdır.