Məlum olduğu kimi, 31 mart tarixində Türkiyədə yerli seçkilər keçiriləcək. Seçkilərdə Türkiyənin bütün böyük şəhər (büyükşehir), vilayət (il), rayon (ilçe), mikrorayon (belde) bələdiyyələrinə sədrlər və bələdiyyə məclisi üzvləri, kənd (köy) və məhəllə (mahalle) yerli özünüidarəetmə orqanlarına isə başçılar (muhtar) seçiləcək. Bununla belə, əsas siyasi rəqabətin böyük şəhərlərdə, daha çox isə İstanbulda gedəcəyi sirr deyil.

KONKRET.az İstanbul bələdiyyəsinin sədrliyinə namizədləri təqdim edir:

Hazırkı sədr, Cümhuriyyət Xalq Partiyasının (CHP) namizədi Ekrem İmamoğlu

İqtidarda olan Ədalət və İnkişaf Partiyasının (AKP) namizədi Murat Kurum

İYİ Partiyanın namizədi Buğra Kavuncu

Səadət Partiyasının namizədi Birol Aydın

Xalqların Bərabətlik və Demokratiya Partiyasının (DEM) namizədləri Meral Danış Beştaş və Murat Çepni (seçki bülletenində M.D.Beştaşın adı qeyd olunacaq. Partiya həmsədrlik institutu ilə idarə olunur və seçkidə qalib gələcəyi təqdirdə İstanbul bələdiyyəsi də M.D.Beştaş və M.Çepni olmaqla 2 həmsədr tərəfindən idarə olunacaq)

Zəfər Partiyasının namizədi Azmi Karamahmutoğlu

Vətən Partiyasının namizədi İbrahim Okan Özkan

Millət Partiyasının namizədi Hasan Hüsnü Güner

Ədalət Birlik Partiyasının namizədi Muharrem Mutlu

Müstəqil namizəd, Liberal Demokrat Partiyasının (LDP) da dəstəklədiyi Merve Karataş

Müstəqil namizəd Taylan Yıldız

Müstəqil namizəd Hülya Kavuzlu Karaman

Müstəqil namizəd İhsan Akbay

Həmçinin müstəqil namizəd Bilen Akpınar da İstanbul bələdiyyəsinin sədri olmaq arzusundadır. Ümumilikdə namizədlərin sayı 15-dir.