Kazan hava limanında mülki təyyarələrin uçuşlarına müvəqqəti məhdudiyyətlər tətbiq edilib.

KONKRET.az xəbər verir ki, bu barədə Federal Hava Nəqliyyatı Agentliyinin nümayəndəsi Artyom Korenyako Teleqram kanalında məlumat yayıb.

“Mülki hava gəmilərinin uçuş təhlükəsizliyini təmin etmək üçün bu gün səhər Kazan hava limanının işinə müvəqqəti məhdudiyyətlər tətbiq edilib. Hava limanı müvəqqəti olaraq aviareysləri qəbul etmir və yola salmır”, – məlumatda qeyd olunub.

Qeyd edək ki, bundan əvvəl də sözügedən hava limanı təhlükəsizlik səbəbi ilə fəaliyyətini dayandırmışdı.