Kirovskda polis çoxuşaqlı ananın oğurlanaraq öldürülməsi faktının üstünü açıb. 

KONKRET.az xəbər verir ki, onun keçmiş əri cinayət törətməkdə şübhəli bilinərək həbs edilib.

Martın 26-da axşam saatlarında növbətçi hissəyə xəbər daxil olub ki, Olimpiyskaya küçəsində qadın qışqırıqları və atışma səslərinə bənzər səslər eşidilir. Hadisə yerinə gələn polis əməkdaşları qar üzərində qan ləkələri aşkar edərək müəyyən ediblər ki, naməlum şəxs yeriyən qadına bir neçə dəfə atəş açıb, sonra onu maşına yükləyərək qaçıb.

Bir neçə saatdan sonra həmin şəxs Apatitidə yanacaqdoldurma məntəqəsində saxlanılıb. Təhlükəsizlik qüvvələri onun qaçırılan qadının keçmiş əri olduğunu müəyyən edib. Onun çoxsaylı güllə yaraları olan cəsədi Kirovskdakı sənaye meydançasında tapılıb. Qadının dörd uşağı var. Qətlin motivi şəxsi düşmənçilik olub.//Lent.az