Kiyev meri Vitali Kliçko Davosda Böyük Britaniyanın keçmiş Baş naziri Boris Consonla görüşüb.
KONKRET.az xəbər verir ki, bu barədə Kliçko özünün teleqram kanalında yazıb.
O, bildirib ki, Consona mükafatı – 2022-ci ilin noyabr ayının sonunda şəhər şurası tərəfindən ona verilən “Kiyevin fəxri vətəndaşı” adını təqdim edib.
“Boris Ukrayna paytaxtına həm dinc vaxtlarda, həm də Rusiya təcavüzkarına qarşı mübarizəmizin ən dramatik vaxtında dəfələrlə səfər edib. Böyük Britaniyanın Baş naziri Conson olanda Ukraynaya kömək etmək üçün əlindən gələni etdi. Və o, bizi dəstəkləməyə və sivil dünyanı lazımi dəstəyə inandırmağa davam edir”, – Kliçko yazıb.
O, görüşün Ukrayna Evində baş tutduğunu vurğulayıb.