“Klon” serialında Əli dayı obrazı ilə tanınan 91 yaşlı braziliyalı aktyor Stenio Qarsiya plastik əməliyyatdan sonra kəskin sepsis (qan infeksiyası) diaqnozu ilə xəstəxanaya yerləşdirilib.

KONKRET.az xarici KİV-ə istinadən xəbər verir ki, sənətçi bu barədə İnstaqram səhifəsində məlumat verib.

O bildirib ki, qan infeksiyası iyulun 1-də ayaqlarında kəskin ağrılarla həkimə getdikdən sonra aşkarlanıb.

“Mənim üçün dua edən hər kəsə təşəkkür etmək istəyirəm. Hər şey tezliklə yaxşı olacaq”, – deyə aktyor yazıb.

Aktyorun həyat yoldaşı Marileni Saadi “Folha de S.Paulo” qəzetinə bildirib ki, əri oksigen maskası olmadan nəfəs alır və ona antibiotik kursu təyin olunub.

İqbal Rzayev,

KONKRET.az