“Bakıda yeni tikilən binalarda fərdi kombi sistemlərinin yerini mərkəzləşdirilmiş istilik sistemləri əvəz edəcək”
Bu barədə əmlak məsələləri üzrə ekspert Ramil Osmanlı KONKRET.az-a açıqlamasında bildirib.
Ramil Osmanlı
Ekspertin sözlərinə görə, kombi sistemləri dövrü artıq başa çatır:
“Bu, sadə səslənsə də, əslində ciddi məsələdir. Bu keçidin baş tutması üçün həm böyük zaman, həm də ciddi investisiyalar tələb olunur. Dövlət artıq bu istiqamətdə addımlar atmağa başlayıb və ‘Azəristiliktəchizat’ tərəfindən verilən məlumatlar göstərir ki, hökumət də bu məsələdə maraqlıdır.”
Ramil Osmanlı qeyd edib ki, Azərbaycan COP29 kimi nüfuzlu beynəlxalq tədbirə ev sahibliyi etməklə ekoloji standartların tətbiqinə xüsusi önəm verir:
“Bu baxımdan ekoloji cəhətdən təhlükəli olan kombi tipli fərdi istilik sistemləri tədricən sıradan çıxarılacaq və daha müasir, təmiz enerji əsaslı sistemlərə keçiləcək.”
O, bildirib ki, hazırda “Azəristiliktəchizat”ın 10 minə yaxın abonenti olsa da, bu göstərici genişlənsə, qurum rentabelli fəaliyyət göstərə bilər:
“Əgər abunəçi sayı 100 minə çatsa, bu istiqamətdə ciddi mənfəət əldə etmək mümkündür.”
Ekspertin sözlərinə görə, ilk növbədə qərar qəbul olunmalıdır ki, hansı tarixdən sonra inşa ediləcək çoxmənzilli binalar məcburi qaydada mərkəzləşdirilmiş istilik sisteminə qoşulsun:
“Bu, yalnız qərardan deyil, infrastrukturun qurulmasından da asılıdır. Bakı şəhəri üzrə mərkəzləşdirilmiş istilik sistemləri məhduddur. Əgər bu sistemlər ayrı-ayrı rayonlarda qurulsa və MTK-ların infrastrukturu da buna uyğunlaşdırılsa, proses daha sürətli həyata keçirilə bilər.”
Ramil Osmanlı əlavə edib ki, mövcud binalarda da bu sistemin tətbiqi üçün addımlar atılmalıdır:
“Düşünürəm ki, günün tələbləri bu dəyişiklikləri zəruri edir.”
Aynurə İsmayıl
KONKRET.az
Ramil Osmanlı çox optimist insandı. Öz evində istilik yagun ki, Kombi vasitəsi ilə olunur.
Hələ qazsiq qalan kendleri qazlaşdirib qurtarin sonra kombiyede son qoyun
Yatıb yatıb indi ayılıblar,,onu da bir 30ilə teşkil edeceklər Yni binaların altını Moskvada 2005den 3mertebe qaraj edirlər ki bombadan qorunmağa da yararlı oısun.
Azeristiliktechizat, bezi emekdashlariniza etika, abanentlerle danishmaq qaydasini oyretmek ucun de mekteb acin, yasamal teref bezi ishcileriniz temiz yekabashliq edirler
Çox yaxşı fikirdir
Azəristiliktəchuzatın bir abonentinin evində isti su borusu partlayanda qazanxanada işləyənlər suyun verilməsini yarım saatlığa bağlamlrlar ki, ev sahibi qızanı aradan qaldırmaq üçün tədbir görsün. Təsəvvür edin, çoxmərtəbəli evin yuxarı mərtəbələrindən birində qəza olanda yuxarıdan aşağı bütün mənzilləri su basır. İndi bütün binalarda belə problem yaratmaq istəyirlərsə buyursunlar.