Xaçmaz Rayon İcra Hakimiyyətinin başçısı Elnur Rzayev qanunsuz tikililərə qarşı yeni komissiyanın yaradılması ilə bağlı ciddi tapşırıqlar verib.
KONKRET.az xəbər verir ki, həmin göstərişə əsasən yaxın 2-3 gün ərzində icra nümayəndəlikləri, bələdiyyələr və yerli strukturların iştirakı ilə müvafiq komissiya yaradılacaq və bu komissiya rayonda qanunsuz tikililərin müəyyən edilməsini təmin edəcək.
İcra başçısının bu qərarı bəzi məmurların kefinə soğan doğrayıb. Yerli məmurlar arasında qanunsuz tikililərin sökülməsi ilə bağlı təşvişə düşənlər də var.
Müxbir: Cəlal FƏRZƏLİYEV