İtaliya Baş nazirinin müavini, nəqliyyat və infrastruktur naziri Matteo Salvini Fransa prezidenti Emmanuel Makrona Ukraynada döyüşə getməyi təklif edib.
KONKRET.az xəbər verir ki, Salvini Makronun NATO qoşunlarının Ukraynaya göndərilməsi təklifi ilə bağlı sualı cavablandırarkən belə deyib:
“Qoy Makron dəbilqə taxıb döyüşə özü getsin. Əgər biz Makronun dediyi ilə razılaşsaq, uşaqlarımız onun günahı ucbatından döyüş meydanında öləcəklər”, – Salvini bildirib.
O, daha sonra X sosial şəbəkəsində Makronun hərbi kamuflyajda, dəbilqə taxmış və əlində avtomat olan fotomontajını yerləşdirərək Avropa Parlamentini iyunun 8-9-da keçiriləcək seçkilərdə partiyasına səs verməyə çağırıb.
Aİ-də Salvininin əsas tərəfdaşı, Makronun isə əsas rəqibi “Milli Birlik” partiyasının lideri Marin Le Pendir.