Twitter-in rəhbəri İlon Mask ABŞ-ın 45-ci prezidenti Donald Trampın hesabını bərpa edib.
KONKRET.az xəbər verir ki, o, bu barədə sosial şəbəkədə sorğu keçirdikdən sonra məlumat verib. Sorğuda 15 milyon istifadəçi iştirak edib: 51,8% cənab Trampın geri qayıtmasının lehinə, 48,2% isə əleyhinə çıxıb.
“Xalq öz sözünü dedi. Trampın Twitter hesabı blokdan çıxarılacaq”, – deyə Mask tvitində yazıb.
Trampın özü səsvermənin nəticəsindən asılı olmayaraq Twitter-ə qayıtmaq fikrində olmadığını bəyan edib. O, Truth Social səhifəsində yazıb: “Müsbət səs verin, amma narahat olmayın, biz heç yerə getməyəcəyik. Truth Social-ın xüsusi yeri var”.
2021-ci ilin əvvəlində tərəfdarlarının Kapitoliyə hücumundan sonra Twitter Donald Trampın hesabını dayandırıb. Sosial şəbəkənin keçmiş rəhbərliyi hesab edirdi ki, ABŞ-ın 45-ci prezidentinin tvitləri insanları iğtişaşlara sövq edə bilər.
Günel Mikayılova,
KONKRET.az