ABŞ-ın “Santa Barbara” serialında Lionel Lokric obrazı ilə tanınan aktyor Nikolas Koster 89 yaşında vəfat edib.

KONKRET.az xəbər verir ki, bu barədə instaqramda onun qızı Dinnin Koster məlumat verib.

Onun sözlərinə görə, Koster Floridada xəstəxanada ölüb.

Aktyorun ölüm səbəbi açıqlanmayıb.

Qeyd edək ki, Nikolas Koster Londonda anadan olub, lakin uşaqlığını və gəncliyini ABŞ-də keçirib. Orada o, ilk olaraq aktyorluğun əsaslarını öyrənir, bundan sonra vətənə qayıdır və Kral Dramatik İncəsənət Akademiyasında təhsil almağa başlayır. Filmoqrafiyasında Kosterin 170-ə yaxın rolu var.