Əfsanəvi basketbolçu Maykl Cordanın oyun forması hərraca çıxarılıb.

KONKRET.az xarici mediaya istinadən xəbər verir ki, artıq 2 milyon 750 min dollarlıq təklifin verildiyi formanın rekord qiymətə satılacağı gözlənilir.

Qeyd edək ki, forma sentyabrın 6-da Nyu Yorkdakı “Sotheby’s” hərrac evində satışa çıxarılıb. Hərracın sentyabrın 15-də başa çatacağı gözlənilir.

O, həmin formanı 1998-ci ildə NBA Finalında geyinib.

ABŞ-ın Nyu-York şəhərində açılan hərracda Serena Uilyams və Kobi Brayant kimi məşhur idmançılara məxsus əşyalar da satışa çıxarılıb. Serena Uilyamsa məxsus bir cüt ayaqqabının 5-10 min dollar arasında satılacağı gözlənilir.

2 il əvvəl vertolyot qəzasında qızı ilə birlikdə dünyasını dəyişən basketbolçu Kobe Brayantın 24 nömrəli formasının 140 min dollara alıcı tapacağı təxmin edilir.

İqbal Rzayev,

KONKRET.az