Mingəçevirdə Əşya bazarındakı mağazalardan birində yanğın baş verib.

KONKRET.az-ın bölgə müxbirinin verdiyi məlumata görə, hadisə bazarın Nizami küçəsində yerləşən geyim mağazasında baş verib. Hadisə yerinə 3 yanğınsöndürmə briqadası cəlb olunib. Çevik müdaxilə nəticəsində yanğının ətrafa yayılmasının qarşısı alınıb. Yanğının başladığı anbar hissə istisna olmaqla 100 kvadratmetrlik obyektin əsas hissəsi və mallar mühafizə olunub.

Əldə olunan ilkin məlumata görə, hadisə qısaqapanma nəticəsində baş verib.

Faktla bağlı araşdırma aparılır.

Ehtiram Muradov,

KONKRET.az