Moskva və Krasnoyarskda islamçı hüceyrə məhv edilib.
KONKRET.az xəbər verir ki, bu barədə Rusiya FTB məlumat verib.
Moskva və Krasnoyarskda “Kətibə Tövhid vəl-Cihad” islamçılarının bir hücrəsi dağıdılıb, dörd nəfər saxlanılıb.
“Beynəlxalq terror təşkilatı “Kətibə Tövhid vəl-Cihad”ın regionlararası hücrəsinin fəaliyyəti dayandırılıb”, – məlumatda deyilir.
Agentliyin məlumatına görə, Rusiyada saxlanılan islamçılar yaraqlıları Suriyaya cəlb edib, onları terror aktlarına çağırıblar.
Bundan əvvəl Rusiya FTB-si Rusiya Qvardiyası ilə birlikdə “Hizb ut-Təhrir əl-İslami” hücrəsinin fəaliyyətini dayandırıb, terror təşkilatının 6 üzvü saxlanılıb.
Qeyd edək ki, hər iki təşkilat Rusiyada terror təşkilatı kimi tanınıb.
Xuraman Etibarlı,
KONKRET.az