“Özbəkistan Dəmir Yolları” Kabilin texniki işlərlə bağlı üzərinə götürdüyü öhdəlikləri yerinə yetirmədiyi üçün Əfqanıstana daşımaları dayandırıb.

KONKRET.az xəbər verir ki, bu barədə Özbəkistan şirkətinin mətbuat xidməti məlumat yayıb.

Bildirilib ki, daşıma “Qələbə-Hayratan” dəmir yolu xətti ilə həyata keçirilib.

Qeyd edək ki, ötən il dekabrın sonunda iki ölkənin nümayəndələri 2023-cü il fevralın 1-dək Əfqanıstanda texniki işlərin aparılması üçün fəaliyyət planı barədə razılığa gəliblər.

Məlumata görə, “Sogdiana Trans” şirkəti və Əfqanıstan Dəmir Yolları administrasiyası yanvarın 27-dək yeni müqavilə imzalamaq barədə razılığa gəliblər. Yük daşımalarının fasiləsizliyini təmin etmək üçün “Sogdiana Trans” yüklərin avtomobil yolu ilə Əfqanıstana daşınmasında köməklik göstərəcək.

Qeyd edək ki, Əfqanıstanda Hayratan-Məzari-Şərif dəmir yolu 2010-cu ildə tikilib.

İqbal Rzayev,

KONKRET.az