Xəbər verdiyimiz kimi, dünən Bakının Xətai rayonunda 20 yaşlı Sevil Atakişiyeva özünü Yeryemenko küçəsindəki çoxmərtəbəli binanın 20-ci mərtəbəsindəki mənzilin eyvanından ataraq intihar edib. O, evin həyətində olan avtomobilin üzərinə düşüb.

KONKRET.az xəbər verir ki, gənc qızın intihar etməsinə səbəb ailəsi tərəfindən fiziki və psixoloji basqılara məruz qalması olub.

Belə ki, sosial şəbəkələrdə Sevil Atakişiyevanın 1 il əvvəl olan yazışmaları ortaya çıxıb. Onun təhsil almaq üçün ölkədən getmək istəməsi və buna görə pul topladığı məlum olub. Ailəsini razı salmaq üçün o, saxta evlilik planı da qurub. Lakin bunlar baş vermədikdə Sevil intihara əl atıb.

Hətta o, yazışmaların birində “İşdi, başıma nə gəlsə, bu mesajları nəzərə alarsınız”,- deyə bildirib.

Qeyd edək ki, faktla bağlı Xətai Rayon Prokurorluğunda araşdırma aparılır. (unikal.org)