Ermənistanın müxalif “Vətənin qurtuluşu Hərəkatı” Yerevanın mərkəzindəki “Fransa” meydanında etiraz aksiyasını qurtarıb.

KONKRET.az xəbər verir ki, bu barədə TASS məlumat yayıb.

“Bu gün aksiyamızı qurtarırıq. Bizdə məlumatlar var ki, baş nazir Nikol Paşinyan sabah saat 11:30-da hökumət binasının 3-cü korpusuna gələcək. Biz girişləri bloklamalıyıq və onu buraxmamalıyıq. Axşam isə mitinqə başlayacağıq”, – hərəkatın nümayəndəsi İşxan Saqatelyan bildirib.

Bu gün Yerevanda Paşinyanın istefası tələbi ilə keçirilən etiraz aksiyasında bir neçə min insan iştirak edib. Müxalifət tərəfdarları dövlət əleyhinə şüarları aydın oxuyaraq Yerevanın küçələri üzrə yürüş təşkil ediblər.

Qeyd edək ki, Ermənistanda 10 noyabrdan Paşinyana istefasına çağırışları ilə etiraz aksiyaları səngimir. Müxalifət onu Qarabağ müharibəsindəki məğlubiyyətdə ittiham edir. Paşinyan habelə ölkədəki iqtisadi və sosial problemlərdə günahlandırılır. publika.az