İqtisadçı Eldəniz Əmirov pensiyaların indeksləşdirilməsi ilə bağlı ölkə başçısı İlham Əliyev tərəfindən təsdiqlənən son dəyişikliyi şərh edib.
KONKRET.az xəbər verir ki, E.Əmirov yeniliyin tətbiqi ilə əmək pensiyalarının məbləğində artımın olacağını bildirib:
“Yəni, pensiya artımlarında vahid indeksasiya metoduna keçirilir və bütün əmək pensiyası alan vətəndaşlarımızın pensiya məbləğlərinin hər il ilk ayında ötən il üzrə orta aylıq əmək haqqındakı artım faizinə uyğun artırılacaq. Başqa sözlə, ölkədə orta aylıq nominal əməkhaqqı ötən ilin müvafiq dövrünə neçə faiz artıbsa, pensiyalarda buna uyğun artacaq”.
“Bəs, gələn il pensiyalar nə qədər artacaq?” sualına isə iqtisadçı belə cavab verib:
“2022-ci ildə ölkə iqtisadiyyatında muzdla çalışan işçilərin orta aylıq nominal əməkhaqqı 830 manat (yanvar-oktyabr aylarında 827,9 manat olub) olarsa, bu 2021-ci ilin eyni dövr ilə müqayisədə təxminən 14,5%-lik artması deməkdir. Deməli, pensiyaçılar da aldıqları hər 100 manat pensiyaya görə əlavə olaraq 14 manat 50 qəpik artıq alacaqlar. 300 manat alan 343,5 manat, 400 manat alan 458 manat alacaq. Qeyd edək ki, əgər indeksasiya 14.5%-dən nə qədər yuxarı edilərsə, pensiyalar həmin faiz nisbətində daha çox artacaq”.
E.Əmirov əlavə edib ki, digər dəyişiklik qulluq stajına görə əmək pensiyasına əlavələri olanlarla bağlıdır:
“Belə ki, əmək pensiyasının sığorta hissəsi artırıldıqda və ya yenidən hesablandıqda, qulluq stajına görə əmək pensiyasına əlavələrin məbləği həmin artımlar qədər azaldılmaqla yenidən hesablanacaqdır. Onların aylıq əməkhaqqı (tutmuş olduqları vəzifələr üzrə əməkhaqqı, dövlət məvacibi, təminat xərcliyi) sonradan artırıldıqda, bu artımlar nəzərə alınmaqla, qulluq stajına görə əmək pensiyasına əlavələr yenidən hesablanır. Yəni, artıq hər il həmin şəxslərin əmək pensiyasına əlavələr əsas hissə ilə birlikdə ümumi məbləğ olaraq indeksləşdiriləcək”.
Eldeniz muellim siz ya duz danisirsiniz yada tam danisirsiniz.. Men esosial hesabimnan baxiram menim pensiya 305 manatdir. Demeli sizin dediyinize gore menim 305 manatim tehminen 15%artacaq..amma dovlet adamlari deyirki yanvarin 1 de bu il verilen 200azn yardim 12 yere bolunub menim 305 azn pensiya i ustune gelecek ve alinan 321.7azn 15%artirilacaq.indi biz kime inanaq. Sizi inandirim ki bu yazi i oxuyanda sonra pensionerler arasinda casqinliq yaranib. Bilirsinizse duz yazin, bilmirsizse yazmayin. Yox eger maddi yardimi pensiya hesab edirsizse demeli ya sehf fikirlesirsiz yada bile bile casqinliq yaradirsiniz. Cunki heleki sosial mudafie nazirliyin saytinda menim pensiya 305azn yazili. 321yoxx.ugurlar
Eldəniz Əmirov müəllim! 2022-ci ildə əmək pensiyalarının 10 % artırılacağını dedilər. Ancaq 3,7 % artdı. Pensiyaçını maraqlandıran onun alacağı məbləğdir. Heç kimə maraqlı deyil ki, pensiyanın sığorta, yığım və yaxud pensiyaçının başa düşmədiyi hansı manipulyasiyalar artır. İctimaiyyəti aldatmayın!
2023 cu ilde(sentyabrda) pensiyaya cixan sexslere de 200 manat yardim aid edilirmi?
Bu artımlar sosial müavinetlere aid edilmir
1 ci qrup əlilərin aldigi 350 manat na qadər artirilacaqdir