Kremlin sözçüsü Dmitri Peskov Rusiya nümayəndə heyətinin bu cümə axşamı (mayın 16-da) İstanbulda keçiriləcək danışıqlarda iştirak edəcəyini bildirib.

KONKRET.azxəbər verir ki, lakin nümayəndə heyətinin tərkibi hələ də açıqlanmayıb.

“Heyətin kimlərdən ibarət olacağını deyə bilmərəm. Prezidentin göstərişi olduqda bunu edəcəyik”, – deyə Peskov Rusiyanın tanınmış jurnalisti Pavel Zarubinə açıqlamasında bildirib.

Qeyd edək ki, Rusiya Prezidenti Vladimir Putinin bu gün ictimai tədbirləri olub, lakin Rusiya mediasının verdiyi məlumata əsasən, o, danışıqlarla bağlı heç bir bəyanat verməyib və mövzuya toxunmayıb.

Natiq Səlim
KONKRET.az