Qazaxıstanda quş qripi yayıldıbackend

Qazaxıstanda quş qripi yayıldı

İldırım Musayev, Mərkəzi Asiya ölkələri üzrə xüsusi müxbir

Qazaxıstanın Şimali Qazaxıstan vilayətində quş qripi xəstəliyi qeydə alınıb.

KONKRET.az-ın Mərkəzi Asiya ölkələri üzrə bürosu xəbər verir ki, məlumatı Qazaxıstan Kənd Təsərrüfatı Nazirliyi yayıb.

Mənbə bildirir ki, xəstəliyin mütəxəssislər tərəfindən ölü quşun cəmdəklərindən nümunələr götürüldükdən sonra təsbit edildiyi deyilir.

9-16 sentyabr tarixləri arasında Şimali Qazaxıstan vilayətinin yeddi rayonunda müxtəlif növ quşların ölümü baş verib.

Milli İstinad Mərkəzinin verdiyi məlumata görə, ölümün səbəbi yüksək dərəcədə patogen olan quş qripi olub. Qəbul edilmiş qaydalara uyğun olaraq, Qazaxıstan bu xəstəlik barədə Ümumdünya Heyvan Sağlamlığı Təşkilatını xəbərdar edib.

“Ölkənin təhlükəsiz vəziyyətini təcili olaraq bərpa etmək və qripin yayılmasının qarşısını almaq üçün Baytarlıq Nəzarəti və Nəzarət Komitəsi 17 sentyabrdan etibarən diri quşların və inkubator yumurtalarının, quş əti və quş əti məhsullarının, quşçuluq üçün yem və yem qatqılarının ixracına müvəqqəti məhdudiyyətlər tətbiq edib. Şimali Qazaxıstan vilayətinin yeddi rayonundan quşların kəsilməsi də dayandırılıb”. Mətbuat xidməti belə deyib.

Rusiya Federasiyası ilə həmsərhəd ərazilərdə heyvanların peyvəndlənməsi üçün yüksək patogen quş qripinə qarşı 873 min doza yerli dərman ayrılıb.

Ölü quşların sahibləri heyvanların orta aylıq bazar dəyərinə bərabər təzminat alacaqlar. Bölgədəki epizootik vəziyyət nazirliyin nəzarətindədir.                

KONKRET.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*