Tanınmış kino prodüseri Aleksandr Rodnyanski qiyabi olaraq 8,5 il müddətinə azadlıqdan məhrum edilib.
KONKRET.az xəbər verir ki, Rodnyanski (“9-cu rota”, “Leviafan”, “Piter FM” və s. filmlərə prodüserlik edib) Rusiyanın Ukraynaya müdaxiləsindən sonra ölkəni tərk edib. Daha sonra 2023-cü ildə ona qarşı Rusiya Silahlı Qüvvələri haqqında saxta məlumatların yayılması maddəsi ilə iş açılıb. Buna səbəb sosial şəbəkələrdə bir neçə paylaşım olub.
Oktyabrın 21-də Moskvanın Basmannı məhkəməsi prodüseri qiyabi olaraq ümumi rejimli koloniyada 8,5 il müddətinə azadlıqdan məhrum edib. Məhkəmə həmçinin onu 4 il müddətinə saytın administrasiyası ilə bağlı fəaliyyətlə məşğul olmaq hüququndan məhrum edib.
Rəsmiyyə Şərifova,
KONKRET.az