“Ermənistan-Azərbaycan danışıqları ilə bağlı nikbinlik özünü doğrultmur”.

KONKRET.az xəbər verir ki, bunu politoloq Tiqran Qriqoryan deyib.

“Həm Ermənistan, həm Azərbaycan rəsmilərinin, həm də vasitəçi ölkələrin (sülh müqaviləsinin mümkün imzalanması məsələsi ilə bağlı) nikbin bəyanatları tam əsaslandırılmır, əsas məsələlərdə tərəflərin mövcud ziddiyyətlərinin necə olacağı bəlli deyil”, – deyə ekspert “Azadlıq” radiostansiyasının efirində bildirib.

Tiqran Qriqoryanın açıqlaması göstərir ki, revanşistlər qorxu içindədir. Azərbaycana qarşı total hücuma keçən erməni kilsəsi və tərəfdarları Bakının Vaşinqtondakı görüşü təxirə salmaq qərarını ABŞ-la ultimatum dili ilə danışmaq kimi yozurlar. Həyəcanlı olduqları isə Qriqoryanın bu fikrindən daha ayın görünür: “Bu, müəyyən qorxular doğuran vəziyyətdir. Ümumiyyətlə, görüşün ləğvi Bakının son dövrdəki davranışının ümumi məntiqinə uyğun gəlir. Bakı öz fikirlərini, vasitəçilərə də yeritməyə çalışır”.

Natiq Səlim,

KONKRET.az