Ermənistan Təhlükəsizlik Şurasının katibi Armen Qriqoryan Hindistan baş nazirinin milli təhlükəsizlik üzrə müşaviri Ajit Kumar Doval ilə görüşüb.

KONKRET.az xəbər verir ki, bu barədə erməni mediası məlumat yayıb.

Görüş zamanı rəsmilər qarşılıqlı səfərlərin əhəmiyyətini qeyd ediblər və ikitərəfli əməkdaşlığı alqışlayıblar.

Tərəflər təhlükəsizlik sahəsində əldə edilmiş razılaşmaların tezliklə həyata keçirilməsi barədə razılığa gəliblər.

Qeyd edək ki, A.Qriqoryan Hindistanda iki günlük rəsmi səfərdədir.